運氣

呼，我終於都忙完喇，終於都做好晒要做既野，終於都有得過返D好玩既日子喇！＾ ＾

今日，我好犀利，係一日裡面靠住運氣做左好多野！
琴日畫畫，畫到5點之後，8點幾食完早餐之後，出左去POST OFFICE到寄信，但係佢冇開。之後，好好彩去ASSEMBLY既時候，撞到ART 老師DR.MORRE,佢話會幫我搵下有冇D大信封。好好彩，今日既第3堂係FREE堂，可以去ART DEPARTMENT 搵佢。好彩曾經有人留低左D好大而又好硬井既信封係ART DEPARTMENT，而且裝得到我幅畫。之後，我拎到PERMISSION可以出去POST OFFICE到寄信，個陣又覺得好彩我地間學校附近有一間POST OFFICE，如果唔係都唔知要用幾多郵票，亦都唔知點樣寄好。真係好好彩，我係今日郵差送信之前寄到幅畫出去，如果唔係我就趕唔到DEAD LINE, 相信幅畫聽日會被人收到！

有D事更加神奇!
琴日畫到4點既時候，我有諗過放棄唔再畫，因為反正都畫得唔好，但係好彩我最後堅持到完成佢！
係第一次去POST OFFICE 既時候，好彩佢冇開，如果唔係我就唔會用DR MORRE比我既硬井信封，好有可能係用D軟既信封而搞到我幅畫寄到比人既時候皺晒。而且我仲會因為寄信而遲到。
係撞到DR MORRE既時候，我冇諗過要搵佢幫手，因為我諗住自己再諗辦法, 多得喵喵同我講：「喂！你搵佢幫你寄咪得囉！」仲推左我一下，我先去左搵佢幫手！先拎到大信封同埋PERMISSION出去寄信！
仲有如果今日唔係星期四，我就唔會有FREE 堂去搵老師同埋寄信！

一念之間，邊一個步驟冇做到，都發展唔到去最後－順利寄到我封畫去參加比賽！

一切都出乎意料地順利，我要多謝個天呀！！ THANK YOU！！